Den vestlegaste fjelltoppen på halvøya. Ein skarp topp med bratte sider mot Vartdalsfjorden. Det var her Ola Einang trena vinteren før han reiste til Everest i 1985. Grøthornet er nabotoppen på austsida. Skisesongen er kort så langt vest. Havlufta drep skiføret tidleg.
Rute 4.8 Halse - Liadalssetra - Skåla - Liahornet
Solrik rute sjølv midtvinters, og med flott utsikt til Liadalsnipa, utover Eiksund og øyane. Gode nedkøyringar til Skåla og Liadalssetra.
| Vanskegrad |
Middels vanskeleg |
| Lengde |
4 km. |
| Stigning |
900 m frå Halse. |
| Faremoment |
Bratt stup på nordsida. Fonnutsett ein sjeldan gong mellom Skåla og Vardane. Stein kan stikke opp på ryggane. |
Flyfoto frå sør med Liadal, eller Håvoll som mange seier, i framgrunnen.
Vegval: Ta av frå E 39 ved skiltet "Halse 1,2". Køyr opp til Halse, og parker med omsyn. På ski kan du følgje skogsbilvegen 1 km innover dalen til ein stor snuplass. Så må du bratt 50 m rett vestover ned til sommarstien, og følge denne gjennom variert skog til Liadalssetra. Nord for elva som kjem ned frå Skåla må du baute forbi skoggrensa og inn i Skåla. Vidare går ruta i skrått terreng vest til Vardane, 7 - 800 m. Følg ryggen til topps.
Skisesong: Desember - mars.
Vermelding, Liahornet